Ní haon chúram simplí é a bheith i d’athair nó i do mháthair linbh, ag aon chéim de shaol na leanaí. Cuirimíd‑ne romhainn tacaíocht a thabhairt do gach éinne atá ag tógaint leanaí go mbeadh comhairle nó treoir uathu, mara mbeadh uathu ach an comhrá féin.

I gcomhpháirt le TUSLA, cuireann Áiseanna na hÓige seirbhís rúnda príobháideach ar fáil, saor i n‑aisce, ar bhonn duine amháin le duine amháin, as Gaeilge nó as Béarla. Is féidir teacht ar thacaíochtaí trí chreatlach an MHEITHIL, gur cur chuige ar leithrigh é chun cabhrú le leanaí is lena muintir a gcuid neartanna agus a gcuid riachtanaisí a aithint agus freastal orthu go tráthúil. Seo roinnt shamplaí dosna dúshláin go n‑oirfeadh Meitheal dóibh:

·         Fadhbanna a bheith ag an leanbh ar scoil

·         Leanbh a bhraithfeadh íseal ann féin

·         Gan an leanbh is a mhuintir a bheith ag réiteach lena chéile

·         Fadhbanna sa teaghlach

·         An bhreoiteacht is an bás

·         Droch‑iompar

·         An caidreamh le do leanbh féin

Chun teacht ar a thuilleadh eolais mar gheall ar MHEITHEAL agus ar an gcuma a oibríonn sé, tabhair cuairt ar shuíomh TUSLA.

Tacaíocht don dteaghlach, ar bhonn duine amháin ag caint le duine amháin, mar a bhféadfaimís cabhrú libh teacht ar sheirbhísí eile do bhur leanbh, ar nós teiripe imeartha, comhairleoireacht, nó seirbhísí eile. Más amhlaidh atá tacaíocht ag teastáil uait féin, nó ó dhaoine ar d’aithne, tair i dteangmháil linn i Rannóg Tacaíocht na dTeaghlach. Ag bun an leathanaigh seo, tá liosta de shonraí na ndaoine cairdiúla tacúla atá ag obair i gcúrsaí tacaíochta sa tigh seo againn‑ne. 

Tá ár gclár Luathbhlianta praiticiúil, dírithe ar réitigh agus tarraingíonn sé ar láidreachtaí tuismitheoirí agus tá sé oiriúnach d thuismitheoirí leanaí idir 1 agus 6 bliana d'aois, lena n-áirítear leanaí óga a bhfuil riachtanais bhreise acu. Tá sé solúbtha agus is féidir é a sheachadadh thar 6-12 seachtaine i ngrúpaí beaga nó le daoine aonair.